عوام اس پارٹی کے خطرناک ایجنڈے کو شکست دینے کیلئے متحد ہو جائیں/ وزیر اعظم مودی
سرینگر // ہماری حکومت کا ہر فیصلہ اور ہر پالیسی وکست بھارت کیلئے پرعزم ہے کا اعلان کرتے ہوئے وزیر اعظم نریندر مودی نے کہا کہ کانگریس غریبوں کو لوٹ رہی ہے اور اپنی خود غرضانہ سیاست کیلئے ان کی حالت کو بہتر نہیں کر رہی ہے۔ انہوں نے کہا کہ کانگریس سوچتے ہیں کہ اگر ہم سب متحد ہو جائیں تو ملک کو تقسیم کرنے کا ان کا ایجنڈا ناکام ہو جائے گا۔ سی این آئی کے مطابق مہاراشٹر کے ضلع واشیم میں مختلف پروجیکٹوں کا آغاز کرنے کے بعد ایک ریلی سے خطاب کرتے ہوئے وزیر اعظم نریندر مودی نے الزام لگایا کہ کانگریس کو ’’شہری نکسلیوں کا گروہ ‘‘چلا رہا ہے، اور لوگوں سے کہا کہ وہ اس پارٹی کے خطرناک ایجنڈے کو شکست دینے کے لیے متحد ہو جائیں۔انہوں نے کانگریس پر یہ بھی الزام لگایا کہ وہ غریبوں کو لوٹ رہی ہے اور اپنی خود غرضانہ سیاست کے لیے ان کی حالت کو بہتر نہیں کر رہی ہے۔ انہوں نے کہا ’’ وہ (کانگریس) سوچتے ہیں کہ اگر ہم سب متحد ہو جائیں تو ملک کو تقسیم کرنے کا ان کا ایجنڈا ناکام ہو جائے گا۔ ‘‘ انہوں نے کہا ’’ کانگریس صرف یہ جانتی ہے کہ کس طرح غریبوں کو لوٹنا ہے اور اپنی خود غرض سیاست کے لیے انہیں غریب رکھنا ہے۔ یہ صرف لوگوں کو تقسیم کرنا جانتا ہے۔ ہمیں ہوشیار رہنا ہوگا اور متحد رہنا ہوگا۔ کانگریس کو شہری نکسلیوں کا ایک گروہ چلاتا ہے۔ ‘‘ مودی نے کہا کہ ہر کوئی دیکھ سکتا ہے کہ کانگریس ان لوگوں کے ساتھ کتنی قریبی کھڑی ہے جو ہندوستان کیلئے اچھے ارادے نہیں رکھتے۔ دہلی میں حال ہی میں ہزاروں کروڑ روپے کی منشیات پکڑی گئی ہیں۔ کانگریس کے ایک لیڈر پر شبہ ہے۔کانگریس نوجوانوں کو منشیات کی طرف دھکیل کر حاصل ہونے والی رقم سے الیکشن لڑنا چاہتی ہے۔ مودی نے الزام لگایا کہ کانگریس کی سوچ شروع سے ہی غیر ملکی رہی ہے۔انہوں نے کہا ’’ وہ سمجھتے ہیں کہ ہندوستان پر صرف ایک خاندان کی حکومت ہونی چاہیے۔ یہی وجہ ہے کہ انہوں نے ہمیشہ بنجارہ برادری کے ساتھ تضحیک آمیز رویہ رکھا ہے۔ ‘‘ پی ایم نے کانگریس پر یہ بھی الزام لگایا کہ وہ کسانوں کی زندگی کو دکھی بنانے میں کوئی کسر نہیں چھوڑ رہی ہے۔ مودی نے لوگوں سے کہا کہ وہ کسانوں کے قرض کی معافی کی جھوٹی یقین دہانی کے کانگریس کے پروپیگنڈے سے ہوشیار رہیں۔ تلنگانہ میں لوگ اب بھی قرض معافی کا انتظار کر رہے ہیں۔پی ایم مودی نے کہا’’ہماری حکومت کا ہر فیصلہ، ہر پالیسی وکست بھارت کیلئے پرعزم ہے، اور ہمارے کسان اس ویژن کی ایک بڑی بنیاد ہیں۔
